PREPARANDO O BAILE DE NADAL

Para que familias e estreliñas vaian practicando os pasos do baile, que entre o profesorado de E.F e Música están ensaiando co alumnado e tamén co resato da comunidade educativa, comparto o vídeo oficial da canción JERUSALEMA:

ARTS: TURKEY HAT TO THANKSGIVING

Esta semana as estreliñas e o alumnado de 1º realizaron un sombreiro pavo (Turkey hat) para celebrar o Día de Acción de Gracias (Thanksgiving)

25 DE NOVEMBRO: DÍA INTERNACIONAL DA ELIMINACIÓN DA VIOLENCIA CONTRA A MULLER

Estes días algunhas das estreliñas participaron no programa de Radio Mende, nunha emisión especial, realizada entre toda a comunidade educativa do Centro. Aquí queda a nosa aportación a esta loita.

Ademais o alumnado de 1º e 2º de E.Primaria elaboraron un mural co lema "Nin unha máis, nin unha menos" e debuxos das mans onde expresaron as accións fermosas e boas que se poden facer coas mans, partindo da frase "Coas miñas mans podo..."

SÚPER GADOUPAS O NOSO SÚPER HEROE

E por fin está rematada a presentación do Súper Heroe da aula das estreliñas, pouco a pouco iremos engadindo  novidades deste Súper Gadoupas que xurdiu con elementos aportados da imaxinación de cada unha das estreliñas.

AS ESTRELIÑAS VOLVEN Á BIBLIOTECA

Este martes as estreliñas volveron á Biblioteca para facer uso do servizo de préstamo, e ademais, por fin, entregar unha versión súa do conto "Max e os superheroes" que traballaron na aula como introdución para traballar no proxecto deste curso "O alumnado de Mende anda na procura dunha patrulla de Súper Heroes", para a sección na Biblioteca "As nosas creacións" e celebrar así o día das Bibliotecas.

CONTOS POLA IGUALDADE

Para ir traballando o tema da igualdade loitando pola eliminación da violencia de xenero, quedan aquí tres contos, ademais para Radio Mende a comunidade educativa do Centro está elaborando unha serie de Podcasts: 

XOGOS MAGOSTO 2020

As estreliñas participaron o venres pasado na celebración dos xogos da castaña organizados no centro, polos profes de E.F., para os distintos niveis e etapas por quendas.

As esteliñas participaron na primeira quenda con catro xogos: A Castaña plantada, A Castaña sentada, Orizo e Carreira de sacos.

A continuación queda unha mostra:

Tamén participaron na elaboración das fichas dos xogos, para a creación dun libro que será depositado na Biblioteca na sección "As nosas creacións"

HISTORIAS SAMAÍN-HALLOWEEN

Polo Samaín as estreliñas estiveron repasando vocabulario relacionado, tanto en inglés coma en galego, construíron un cubo (crazy cubes) con imaxes deste vocabulario e a roda para debuxar os resultados e logo crear unha historia.

A continuación o resultado:

RECURSOS PARA A CELEBRACIÓN DO MAGOSTO

Paras ir preparando a festa do Magosto, aquí en Ourense, tamén festa do San Martiño; quedan unha serie de materiais para ir traballando ao longo da semana.

SAMAÍN-DISFRACES

Neste curso tan atípico as estreliñas de 2º participaron na festa do Samín na aula, cada unha chegou co seu disfraz da casa e na aula participaron con distintas actividades relacionadas co tema, entre elas unha de creación de historias a partir dun cubo.