CELEBRANDO O DÍA DA MULLER: MULLERES PIONEIRAS

Na semana pasada o alumnado de 6º de Primaria estivo a investigar sobre mulleres, que foron pioneiras en distintos campos.

Mulleres que loitaron e traballaron duro para demostrar e conseguir a igualdade como persoas, poder estudar, formarse, traballar naquelo que lles gustaba e sobre todo acadar ser respectadas.

A día de hoxe, aínda que se leva moito camiño andado, queda moito polo que loitar, motivo polo que neste día hai que seguir lembrando todo o que estas mulleres acadaron, para un día poder celebrar que vivivos nunha sociedade con valores, igualdade e respecto.

E aínda que neste traballo aparecen mulleres destacadas, no día a día estamos rodeadas de mulleres que foron e son grandes loitadoras destes dereitos e que nos ensinan o verdadeiro camiño, aínda que os seus nomes non aparezan na wikipedia: AVOAS, NAIS, IRMÁS, TÍAS, MESTRAS,...

Mulleres pioneiras de José García García

8 DE MARZO: TODOS IMPORTANTES, TODOS NECESARIOS

Hoxe é unha data importante, tanto polo seu factor histórico na reivindicación dos dereitos da muller, coma a loita actual pola igualdade. Por iso esta semana as estreliñas estiveron a traballar cos Bolechas o tema da IGUALDADE entre persoas, e ademais de traballar cos libriños que nos enviou a Xunta, tamén estivemos a facer un mural co lema deste ano "8 DE MARZO XERACIÓN POLA IGUALDADE", ao que engadimos o noso lema "TODOS SOMOS IMPORTANTES, TODOS SOMOS NECESARIOS". 

Ademais da Igualdade entre xéneros, (eu prefiro persoas), falamos das distintas profesións e sobre todo daquelas coas que coincidimos a diario no Centro, recordando tamén os seus nomes e os que non sabiamos preguntamos (Equipo directivo, administración, portería, cociña, limpeza, coidadoras, mestres).

Aínda que foron un xoves e un venres moi intensos, porque tamén hai que facera as materias que tocan, non demos rematado; mais non podía rematar o día sen facer esta pequena publicación en homenaxe a este día, o seu significado e a importancia do ensino en igualdade, tanto na escola coma na familia, cada día do ano. TODOS XUNTOS PODEMOS!!

A música pertence ao alumnado e profesorado doutro centro, o CEIP A Pedra, grazas por compartila.