ENTROIDO 2020: "ANIMAIS EN PERIGO EN GALICIA"

O pasado venres, día 21 de febreiro, celebrouse no patio do CPI Plurilingüe José García García o desfile de Entroido, baixo o lema este curso: "Animais en perigo de extinción en Galicia", así o alumnado de E.Infantil participou co disfrace de Abella, 1º e 2º co de Oso pardo, 3º e 4º co de Lobo e 5º e 6º co de Vaca de raza cachena. Ademais tanto o profesorado coma membros da Anpa e familias tamén participaron disfrazados neste desfile con premio final, sendo os gañadores o alumnado de E. Infantil, Parabéns!!

A continuación, coma sempre, queda un resumo desta actividades, grazas pola participación e colaboración:

ANIVERSARIOS MES DE FEBREIRO

No mes de febreiro tres das nosas estreliñas estiveron de aniversario. Sete aniños cumpridos. Así o celebramos cada un no seu día á chegada á aula pola mañá dos días: 13 Miriam, 14 Víctor e 19 Rafael. PARABÉNS PARA OS TRES!!!

A continuación un vídeo coas fotos:

PREPARANDO O ENTROIDO

Esta semana, e xa un pouco na anterior, as estreliñas de 1º e os seus compañeiros de 2º estiveron a traballar na elaboración dos disfraces para participar no desfile de hoxe ás 12.15 horas no patio do centro, así coma un mural co lema deste ano: "Animais en perigo de extinción en Galicia", abellas en E. Infantil, oso pardo en 1º e 2º, lobos en 3º e 4º e por último vacas de raza cachena en 5º e 6º, ao mesmo tempo aproveitouse para repasar vocabulario nos  idiomas que se traballan no centro.

O desfile de 1º e 2º será co ritmo da canción Entroido de Antonio Luz.

SESIÓN DE MAXIA CON DAVID MÉNDEZ

O pasado mércores día 12 de febreiro, na segunda sesión da xornada, visitou o centro o mago DAVID MÉNDEZ, agasallo da editorial SANTILLANA, coa que deleitou ao alumnado de E. Infantil, 1º, 2º E 3º DE E. Primaria.

A continuación un resumo desta actividade:

SESIÓN DE MAXIA CON DAVID MÉNDEZ

SEMANA DO AMOR E A AMIZADE

Nesta semana as nosas estreliñas están a traballar sobre o tema do Amor e a Amizade.
A continuación un resumo e uns vídeos de cancións, recollidos na rede,  que estiveron a traballar.

SEMANA DA PAZ

Ao longo desta semana e a anterior as estreliñas, aos anaquiños, estiveron levando a cabo diferentes actividades relacionadas coa celebración do día da Paz e Non Violencia.

Na clase de Arts&Crafts fixeron as mans para o mural, logo escribimos entre todos un poema para recitar no acto da Paz, así como a decoración da cartolina  coa palabra escollida (Respecto), coa cor que nos tocou (azul), para facer o arco da vella entre todos no patio do centro.

Queda aquí unha mostra destes traballiños colaborativos.

CONTO NA AULA ESPECÍFICA 1 DA ESO

O pasado venres día 24 de xaneiro, as estreliñas de 1º de E. Primaria foron invitadas a visitar a Aula Específica 1 da ESO para unha contada, realizada pola profesora Marian e tres dos seus alumnos: Manuel, Nerea e Vera.

Despois do conto "As tres curuxiñas" de Martín Waddeil e Patrick Benson, chegou o turno das preguntas e das tarefas para realizar na nosa aula.

Queda aquí unha mostra da contada, do conto-vídeo lido polas estreliñas e os sus contiños das tres curuxiñas.

Grazas por está actividade conxunta entre etapas e que pretende axudar á inclusión.

As estreliñas disfrutárono moito.

Ogallá todos lle tiremos proveito!!!

RECURSOS PARA O DÍA DA PAZ 2020

SELECCIÓN DE RECURSOS ATOPADOS NA REDE:

ABECEDARIO POLA PAZ

CONTO NA BIBLIOTECA

Hoxe, como cada martes, as nosas estreliñas acudiron á biblioteca para facer uso do préstamo de libros para ler na casa durante unha semana; mais hoxe argadáballes unha gran sorpresa. A  titora da Aula Específica da ESO e un dos seus alumnos, que lles contou o conto de "Cocorico" da editorial OQO.

GRAZAS ALEJANDRO!!!

Agardamos máis sorpresiñas así!!

NOVO TRIMESTRE

E as estreliñas xa levan uns días comezando novo trimestre e Aninovo. Que sexa un ano cheo de ledicias e aprendizaxes novos cada día.

Pouco a pouco irei engadindo anaquiños do seu traballo diario, algúns recursos e ideas.