ADAPTACIÓN DO CONTO "MAX E OS SUPERHEROES"

Para comezar co proxecto deste curso, o alumnado estivo a ler o conto "Max e os Superheroes", logo debuxaron e por último gravouse a lectura por páxinas. Cos debuxos realizados farase un libro que se donará á Biblioteca para o espazo, "As nosas creacións", con motivo da celebración do Día das Bibliotecas Escolares. A continuación o resultado desta adaptación.

PROGRAMA FESTA DE SAMAÍN

Mañá no Centro celébrase un Samaín un chisquiño distinto, a pesar desta nova situación, vaise tratar de que o alumnado celebre, disfrute e aprenda sobre esta festividade. Ademais escoitarase por megafonía a primeira emisión de Radio Mende, que aínda que non foi concedido o proxecto de Radio na Biblioteca, a través dunha liña do programa de formación que funciona no centro, vaise ir pondo en marcha para solicitalo o próximo curso de novo.

Tamén se vai contar cuns reporteiros fotográficos moi especiais (dous compañeiros de 4º da ESO, Hugo e Borja), que realizarán a correspondente reportaxe para a galería de imaxes e así poder ver os disfraces do alumnado por aulas, xa que non se pode celebrar acto conxunto. 

FELIZ DÍA DE SAMÍN!!!

RECURSOS LIBRO DE INGLÉS

A Teacher, Manoli, acaba de envíar a seguinte información para que teñades acceso ao material dixital dos libros de inglés, a continuación as instruccións:

Ø  "Podedes descargar o activity book para traballar os exercicios dos audios (listenings).

Ø  Tamén podedes visionar os vídeos de cada unidade.

CONTIDOS DIXITAIS:

Ø Recursos varios para traballar neste idioma (online learning zone) xogos, contos, zona de pais…"

Ø  Class book

AMAZING ROOFTOPS 2

https://oxfordpremium.oupe.es/app/student/3b34e64b-13c0-11eb-8076-6cae8b633112

 

RECURSOS OUTONO E AS SÚAS FESTAS

 Recollida de recursos para traballar estas datas, uns recollidos na rede e outros de colleita propia.:

 

PROXECTO CENTRO: "O ALUMNADO DE MENDE ANDA NA PROCURA DUNHA PATRULLA DE SÚPER HEROÍNAS E HEROES"

Este curso o centro embarcouse nun proxecto ambicioso para a situación Covid que se está a vivir, motivo polo que se precisa dunha gran patrulla de súper heroínas e super heroes, que van loitar polo traballo e aprendizaxe en equipo e unha convivencia pacífica e de amizade.

A continuación a presentación deste proxecto:

FORQUI-COVID

A nosa mascota, Forqui, tamén leva máscara. Auria, unha das nosas estreliñas coa axuda da súa avoa fíxolle unha máscara, pois as que levamos nos quédanlle moi grandes. GRAZAS!!

Forqui está moi guapo e agradecido.

ANIVERSARIOS PENDENTES

O venres pasado fixemos unha pequena celebración na aula. Había moito que celebrar ademais de comezar o 2º curso de E. Primaria das nosas estreliñas, os aniversarios de varias estreliñas, unhas por coincidir a súa celebración durante o confinamento e outras no verán. 

Celebramos con: Ainhara, Noa, Anxo, Martín, Zaida, Érick, Auria, Alejandro e Ainhoa.

MOITOS PARABÉNS!!

CALENDARIO E HORARIO ESCOLAR

Achego Calendario escolar para o curso 2020-2021 e o horario das nosas estreliñas de 2º curso de E.Primaria, coa fin de facilitar a organización da mochila cada día, xa que este curso non queda o material na aula.

ARRANCANDO NOVO CURSO

Arrancamos un novo curso, que vai ser moi especial. 

Xa está a ser unha benvida moi emocionante, despois de tanto tempo as aulas baleiras o centro está a sentirse vivo de novo a pesar dos protocolos a seguir.

Dende aquí dicir que do noso alumnado temos moito que aprender, dende os máis cativos ata os maiores están a ser uns súper campións, seguen todo o protocolo acatando normas tanto nas aulas coma no patio e demais espazos do centro. Parabéns!!

Ánimo, este curso imos vencer ao virus e imos aprender moito.

ANIVERSARIO DA ESTRELIÑA AINHOA

Hoxe estivo de aniversario a estreliña Ainhoa, moitos Parabéns!!!

Forqui máis eu agardamos tiveras un fermoso día de celebración coa familia e as amizades.

Mañá xa nos vemos no cole e celebramos, aínda que dun xeito un chisquiño distinto do curso pasado.

Ánimo que con sentidiño e respectando as normas imos ser Súper Heroínas e Súper Heroes.