Bo Nadal, miñas estreliñas!
Lembrades os primeiros días de setembro?, no medio da ledicia por volver a vernos, por volver á vosa aula, estaban as numerosas regras e normas do protocolo que os mestres vos íamos indicando, e vos fostes cumprindo cada unha delas (nova entrada con toma de temperatura e xel hidroalcólico, fila, manter distancia ocupar un espazo determinado no patio, permanecer só cos compañeiros da vosa aula, entrar na aula tamén mantendo a distancia, ocupar a vosa mesa e cadeira no lugar determinado por orde de lista, empregando só os vosos materiais, desinfectando mesas e todo o que usamos, ventás e porta aberta e o que peor levamos todos deste protocolo, sen apertas, sen sorrisos porque están agochados detrás das máscaras...seguro esquezo algunha norma máis) e ademais de todo iso levastes a cabo as tarefas encomendadas, rematando este trimestre con éxito.
Sodes un gran exemplo, ademais de recuperar os contidos do tempo de confinamento avanzamos, e case rematamos todo o que nos pertencía neste trimestre, e tamén aprendemos todos a celebrar as festas correspondentes dentro do protocolo, acadamos facer xogos divertidos no Magosto e un Nadal especial.
PARABÉNS!!
Agora, aínda que estamos en tempo de descanso, de estar coa familia e disfrutar dos xoguetes que vos deixou Papá Noel ou o Apalpador, o último día vimos e fixemos no encerado dixital unhas actividades, que compartiron nas redes outros mestres, que vos gustaron moito e prometín deixarvos aquí.
Así que, se toca estar moito na casa e queredes facer, coma noutras ocasións deixo unha imaxe na que ten puntos con actividades, a buscalos e disfrutar.
Ningún comentario:
Publicar un comentario