E… chegou o día! Un ciclo rematado, dous cursos moi especiais, especiais por tantas cousas, que vai ser complicado facer resumo e darlle a cada unha o seu lugar.
Primeiro foi a chegada ao centro, un centro no que estivera destinada un
curso había 20 anos, buff!, cantas emocións!! O edificio era o mesmo e nel
volvín atopar compañeiros de entón, que ledicia!!, tamén había cambios, o cole
estaba moitísimo máis bonito, e o MELLOR, foi ter a sorte de coñecer a un grupo
de estreliñas, un chisco asustadas polo cambio de etapa pero cheas de luz. Esa
luz que iluminou o camiño e me encheu de ilusión para guiar a súa aprendizaxe e
a miña, porque nestes dous cursos, tan complicados polas circunstancias que
tocou vivir, este grupo de estreliñas adaptáronse a todo como auténticas Súper
heroínas. O curso pasado durante o confinamento seguiron traballando cada día
dende as súas casas, realizando todas as actividades e retos propostos, incluso durante os períodos
de vacacións. Este curso respectaron todos os protocolos coma campioas e
acadamos rematar curso con moito éxito, sen enfermar a pesares da ventilación e
con moi bos resultados académicos.
PARABÉNS miñas estreliñas, sodes un gran grupo que aprendestes algo moi
importante, a ser grupo, a coidarvos, axudarvos uns aos outros, a xogar xuntos
e respectarvos. SODES GRANDES, OS MELLORES!!!
En setembro pasades á planta dos maiores e por sorte, moita sorte,
seguiredes iluminando o meu camiño, seguiremos aprendendo xuntos, un chisquiño
menos xuntos, mais, polo menos unha sesión cada semana compartiremos momentos
de aprendizaxe e avanzaremos camiño.
E como remate xa, GRAZAS, MIL GRAZAS para vós ESTRELIÑAS e para as vosas familias que estiveron sempre ao voso carón axudando e colaborando na vosa aprendizaxe.
O mellor agasallo foi vervos medrar e aprender, aínda así tamén agradezo tanto os vosos debuxos e palabras coma os agasallos que as vosas familias mercaron, por certo moi acertados e significativos, pois representan as vosas agarimosas APERTAS cada mañá ao chegar e en calquera momento do día, incluso en calquera lugar que nos atopemos. GRAZAS POR TANTO CARIÑO!!
