Ao longo desta semana as estreliñas estiveron a traballar sobre a importancia da lectura, realizando distintas actividades. Comezaron o luns coa visita da ilustradora Laura Tova, logo coma todos os martes visitaron a biblioteca só que desta vez quedamos a ler un pouquiño, o resto da semana foron aos anaquiños lendo e cantando polos distintos espazos do centro, actividade proposta polo EDL, na aula continuaron coa adaptación do conto "Sal e azucre" que o venres leron, en lectura compartida nunha parte do patio. Este conto comenzaron a traballalo o curso pasado para celebrar o día do Libro, pero, por mor da pandemia, quedou sen rematar. As estreliñas escoitaran este conto na Bilioteca, nunha lectura que un grupo do alumnado da aula específica da ESO realizou, logo traballaron na aula, realizando un novo conto cos seus debuxos, a súa letra, o modelado en pasta dos protagonistas e a gravación das súas voces. Unha vez realizada a montaxe o conto encadernado foi entregado na Biblioteca.
Coma sempre, a continuación, a correspondente reportaxe:
SEMANA DO LIBRO 2021 - Kizoa Movie Maker
Sal e Azucre adaptación - Kizoa Movie Maker
Ningún comentario:
Publicar un comentario