ARTS IN NOVEMBER

O alumnado de Primaria durante o mes de novembro, na materia de Arts, ademais de colaborar na decoración para a celebración do Magosto, publicado xa con anterioridade. 

O alumnado de 1º e 2º estivo creando personaxes divertidos con anacos de papel con diferentes tipos de grafías seguindo a Hervé Tullet e tamén participaron no mural do 25 N "A muller é ...respéctaa"

O alumnado de 3º e 4º participaron na decoración do mural base, que representa a Liña Temática do centro deste curso, con estrelas e bolboretas de papel de xornal pintadas con liñas e puntos imitando a Yayoi Kusama e Andy Warhol ao estilo Pop Art, ás que engadiron palabras que definen como debemos ser e comportarnos para erradicar a violencia, co gallo da celebración do 25 N. 

O alumnado de 5º e 6º deseñou carteis alusivos ao día, tamén crearon un mural tipo Pop Art con xornal e siluetas femeninas con palabras que definen as mulleres do seu entorno.

A continuación un resumo:

Arts in november de Entre estrellas que iluminan

CREACIÓNS EN NOVEMBRO NA MATERIA DO PROXECTO COMPETENCIAL

CREACIÓNS EN NOVEMBRO de Entre estrellas que iluminan

MAGOSTO-ROASTED CHESTNUTS

Nesta semana o alumnado, na materia de Arts, colaborou na decoración dos corredores cun mural con castañas e follas decoradas, empregando tizas pastel coa técnica do difuminado, puntos e liñas empregando rotuladores.

MAGOSTO-ROASTED CHESTNUT de Entre estrellas que iluminan

PARTES DUN ORDENADOR

Algunhas nocións básicas para o alumnado de Primaria, que empeza a usar o ordenador, vídeos educativos recollidos de @DiverTicDos

COMO CREAR E PROGRAMAR UN MIIBOT

Dous tutoriais compartidos dende a web de Complubot para traballar na aula e crear os nosos Miibots:

RESUMO TAREFAS DE OFIMÁTICA E ROBÓTICA EN OUTUBRO

Durante o mes de outubro seguimos iniciando e aprendendo:

Tarefas de Robótica e ofimática en outubro de Entre estrellas que iluminan

OCTOBER ART WORKS

En outubro continuamos coa parte teórica, neste caso a liña e as súas formas e características en plástica. 

A práctica levouse coas tarefas de decoración para a celebración do samaín no centro. 

Un breve resumo a continuación premendo nas páxinas para avanzar e ver:

ARTS NOTES- LINE de Entre estrellas que iluminan

HALLOWEEN ART PROJECT de Entre estrellas que iluminan

SETEMBER ART WORKS

TAREFAS COS ELEMENTOS E CORES BÁSICAS/TASKS WITH BASIC ELEMENTS AND COLORS

ARTS NOTES- THE DOT de Entre estrellas que iluminan

TAMÉN INTRODUCIÓN Á LIÑA TEMÁTICA DESTE CURSO COS SEUS PROPIOS DISEÑOS:

 

PROXECTO COMPETENCIAL: CURSO 2023-2024

NOVO CURSO, NOVA AULA

Este curso todos os niveis de E. Primaria teñen, como alternativa  á materia de Relixión, Proxecto Competencial, que neste centro tanto en Claustro coma en Consello Escolar foi aprobado como "Inicio á ofimática e á robotica".

Neste primeiro mes ademais de estrear aula, novo espazo creado para "Aula de Polos Creativos", contamos con máis materiais de dotación para esta aula, aínda así polo de agora iniciamos contacto para os cursos impares e repaso nos pares, dado que o curso pasado só se impartiu nos impares.

Como dicía, iniciamos tarefas cos Legos, os robots TRUE TRUE e a ofimática en ordenadores tipo edixgal, para o que empregamos a web gratuita: https://www.typingclub.com/mecanografia, para iniciar ou continuar coa mecanografía, e tamén: https://www.vedoque.com/juegos/mecano/

NOVO CURSO, AULA NOVA de Entre estrellas que iluminan

BENVIDOS A UN NOVO CURSO

Xa estamos de volta dende hai un mes, porén aínda non tivera tempo de actualizar.

Este curso a nosa Liña Temática é "MENDELIANOS AO RESCATE", como punto de partida o alumnado verá a película Wall-e. A partir dela irán xurdindo diferentes proxectos que incluiremos nas  programacións e, especialmente, nas distintas conmemoracións que se celebrarán no Centro.

Mendelianos ao rescate de Entre estrellas que iluminan

ART WORKS IN JUNE/TRABALLOS DE PLÁSTICA EN XUÑO

Durante o mes de xuño, o alumnado, na primeira semana, realizou debuxos no seu caderno seguindo as instrucións dos vídeos de Art for Kids Hub. De 1º a 4º E. Primaria, o alumnado de 5º e 6º realizaron composicións no ordenador, na aplicación do office libre de debuxo "My Paint".

Nas seguintes semanas xa traballaron con elementos de refugallo para realizar elementos decorativos, e tamén mandalas florais con plantas recollidas no xardín do centro, para a Festa das Graduacións.

Por este curso remataron as tarefas. Foi un curso moi satisfactorio, todo o alumnado estivo moi implicado en todos os proxectos propostos, colaborando moito tamén en todas as celebracións realizadas no centro, aportando elementos e murais decorativos, aprendendo que con poucos materiais e reutilizando pódense crear grandes obras. 

PARABÉNS E MOITAS GRAZAS POR AXUDAR CADA DÍA A MANTER A ILUSIÓN E SEGUIR AVANZANDO EN APRENDIZAXES XUNTOS.

BOAS VACACIÓNS!!

ARTS JUNE de Entre estrellas que iluminan

"O PACTO NO CASTRO DE SANTOMÉ"

Con este traballo pódense resumir as actividades levadas a cabo polo alumnado na materia do Proxecto competencial, durante o segundo e terceiro trimestre.

O que se tratou de facer foi adaptar a programación sobre ofimática e robótica ao tema da Liña Temática deste curso no centro "Explorando e coñecendo a nosa contorna"

Deste xeito o alumnado foi investigando, dende os ordenadores, sobre a vida dos castrexos e a chegada dos romanos, e crearon documentos, practicando así algo de mecanografía e traballos básicos sobre ofimática. Tamén chegou o material dos Polos Creativos e comezaron a coñecer aos mini robots "True True" así como a súa programación tanto manual como dende a aplicación na tablet.

E pouco a pouco foise avanzando nas posibilidades deste traballo, decidindo crear unha historia que se desenvolvería no Castro de Santomé, personificando os robots como habitantes castrexos e invasores romanos. Crearon o guión, deseñaron o plano coas súas "casiñas" (cedidas polas mestra de 1º e 2º de E. Primaria, que crearon co seu alumnado). Co programa da Radio aprenderon a gravar e editar. Logo gravaron os movementos dos robots polo plano, aquí houbo que facer varios ensaios, ata por último chegar á montaxe de todo no editor de vídeo.

A continuación un vídeo da historia e outro de como se realizou. 

Queda moito por aprender, pero a semente da ilusión quedou plantada para continuar e mellorar no vindeiro curso.

Grazas a este grupo do alumnado, coa súa ilusión por aprender acadou este resultado final, e a todo o profesorado que colaborou nas gravacións. 

PACTO de Entre estrellas que iluminan

COMO SE FIXO O NOSO VÍDEO de Entre estrellas que iluminan

ART WORKS IN MAY/TRABALLOS DE PLÁSTICA EN MAIO

Ao longo do mes de maio as tarefas na materia de Arts xiraron, nos grupo de 1º e 2º de Primaria arredor de debuxos seguindo as instrucións dos vídeos de Art for kid Hubs durante a primeira semana, 3º e 4º composicións con liñas rectas e curvas e 5º e 6º traballos no ordenador coa aplicación Paint.

Na segunda semana traballos en todos os grupos arredor do autor das Letras Galegas, e visita a dúas exposicións, unha delas con diseños en 3D, co alumnado de 5º e 6º, continuando a traballar na aula co ordenador e esta aplicación.

Na terceira semana a nosa auxiliar de conversa Vee, trouxo unha actividade por ciclo para elaborar cousas típicas do seu país, Filipinas.

Por último tocou despedir a nosa Auxiliar de Conversa, Vee, aínda que rematou por este curso contaremos de novo con ela no vindeiro. 

O alumnado agasallouna con tarxetiñas e moitas apertas.

GRAZAS VEE!!!

ARTS MAY de Entre estrellas que iluminan

ARTS WORK IN APRIL-TAREFAS DE PLÁSTICA EN ABRIL

 Resumo de traballos realizados na materia de Arts durante o mes de abril.

Arts Works April de Entre estrellas que iluminan

ARTS WORKS IN MARCH-TRABALLOS DE PLÁSTICA EN MARZO

Cun chisco de retraso chega o resumo dos traballos realizados na materia de Arts durante o mes de marzo.

Este mes xirou arredor das celebracións do 8M, Día da Poesía e Árbore, e para rematar trimestre a Pascua, relacionándoos sempre co estudo de pintores modernos (Kandinsky, Picasso, Klimt, Yayoi Kusama ou Romero Britto)

Ademais o alumnado de 5º de Primaria xunto co de 4º da ESO foron a Coruña para visitar dúas exposicións (Mostra de ilustración Contemporánea, Imaxinaria, e a outra sobre Proxecto Polaroid) como introdución ás tarefas do 3º trimestre sobre traballo con imaxe e audivisual.

ARTS WORKS IN MARCH de Entre estrellas que iluminan

RESUMO ACTIVIDADES FEBREIRO/ARTS WORKS OF FEBRUARY

A continuación un resumo das actividades realizadas na materia de Arts, dende 1º a 6º de E. Primaria a longo do mes de febreiro.

Relacionando os contidos coa liña temática de centro, decorando as portas das aulas con cenefas ao estilo Celta, e coas celebracións levadas a cabo este mes no Centro, Entroido e Rosalía. Así realizaron con materiais de refugallo os Compadres e Comadres que logo correron no patio. Tamén participaron en parte da elaboración dos seus disfraces de Castrexos e Romanos, e para a celebración do día de Rosalía tamén se fixeron flores para decorar a árbore do mural da entrada e para intercambio de rosas con poema entre ciclos, con xornais e rolos de papel. Traballando así conceptos de Xeometría.

ARTS WORKS OF FEBRUARY de Entre estrellas que iluminan

ADIVINA EL CUADRO

A continuación unha actividade realizada en Genially e compartida dende a web Viva Nuestra Energia, para repasar cadros e pintores famosos. 

PREME NA IMAXE para resolver actividade:

RESUMO MATERIA DE ARTS DE XANEIRO/ARTS IN JANUARY

A continuación un resumo das tarefas realizadas durante o mes de xaneiro na materia de arts, que xiraron arredor do comezo de trimestre e nova estación, conceptos básicos de xeometría e o Día da Paz.

ARTS IN JANUARY de Entre estrellas que iluminan

RESUMO 1º TRIMESTRE DA MATERIA DE PROXECTO COMPETENCIAL

Como xa comentaba na primeira entrada deste curso, ademais da materia de Arts, este curso ía impartir Proxecto Competencial en 1º, 3º e 5º de E. Primaria.

Nos primeiros días o grupo de alumnado de 1º traballou co conto "Hola Ruby y la aventura de programar" de Linda Liukas, e tamñen algunha sesión co Bee bot que nos cedeu a titora de 2º, mentres non chegaba o material solicitado aos Polos Creativos.

O grupo do alumnado de 3º estivo iniciándose na ofimática cun curso de mecanografía on line gratuito: https://www.vedoque.com/juegos/mecano/

O grupo do alumnado de 5º estivo a investigar sobre o tema da Liña Temática deste curso, "Explorando e coñecendo a nosa Contorna", sobre a historia do Castro de San Tomé, e tamén crearon historias para Radio Mende polo Samaín.

Logo tamén comezamos a traballar na web: https://www.kidlocoding.com/

Para ir aprendendo sobre robótica e programación, e xa no remate do trimestre chegou un kit de Lego, co que comezaron a montaxe de pequenos robots mecánicos. 

A continuación o correspondente resumo, aínda que desta perdín algunhas fotos e vídeos, cousas da tecnoloxía, que tamén da problemas e fallos.

Iniciación á robótica de Entre estrellas que iluminan

TRABALLOS DO ALUMNADO SOBRE PINTORES MODERNOS

O alumnado de 5º de E. Primaria, na materia de Arts estivo a investigar sobre pintores modernos e algúns deles remataron a súa investigación cunha presentación que se pode ver a continuación. 

Student work on modern painters de Entre estrellas que iluminan

RESUMO ACTIVIDADES PLÁSTICA EN DECEMBRO-ARTS IN DECEMBER

Ao longo do mes de decembro na materia de Arts o alumnado de Primaria participou na elaboración de postais de Nadal, segundo a temática deste ano, arredor da obra de Picasso, por ser o 2023 o 50 aniversario do seu falecemento. Para isto primeiro presentouse a vida e obra deste autor e foron elaborando as súas tarxetas segundo o seu nivel, dende traballar con cores e formas ata rematar nos derradeiros cursos con tarxeta dixital  a través do office impress. 

Colaborando tamén na decoración do centro con motivos de Nadal e materiais de refugallo, segundo a obra de Picasso.

Coa nosa Auxiliar de conversa, Mss Vee, o alumnado de 4º de 5º realizaron o típico "Parol" Filipino.

ARTS IN DECEMBER de Entre estrellas que iluminan