IDEAS

Bos días, estreliñas e familias!

Nestes días de permanencia na casa por mor do Coronavirus irei compartindo con vos cousiñas deste xeito virtual. O xoves pola noite, antes de saber deste encerro, xa engadín algúns exercicios de matemáticas e lingua para repaso; mais o importante nestes días será:

1.   Manter rutina de traballo, facendo un horario de tarefas, por exemplo:

Ø  9.00: levantarse e almorzar

Ø  10.00: lectura e escritura

Ø  11.00: traballo con números

Ø  12.00: tomar unha froita e axudar nas tarefas da casa

Ø  13.00: axudar na cociña

Ø  14.00: xantar e unha pequena sesta

Ø  16.00: algo de exercicio manual (pintar, recortar...)

Ø  17.00: algo de exercicio

Ø  18.00: merenda e tempo de ocio (xogos de mesa en familia)

Ø  20.00: baño e cea

Ø  21.00: conto e cama

2.   Tentar compartir este tempo xuntos para ler, falar, xogar, pasalo ben facendo as tarefas domésticas e escolares, tamén vendo películas en compañía e comentándoas.

3.   Aproveitar as tarefas domesticas e de cociña para ensinar e aprender, sempre se poden contar as pezas que se meten na lavadora, as pinzas que se precisan para tender...na cociña a elaboración das receitas, pesando, contando...para escribilas e logo debuxando o resultado...seguro que van xurdir moitas máis ideas entre todos.

4.   Evitar pasar moito tempo coas pantallas, lembrade que temos unha gran oportunidade para o diálogo e o xogo en familia.

Moitas apertas virtuais da vosa titora